Prezo socios:

Prezo non socios:

O Fiadeiro nas Festas de San Roque de Vigo 2019

Data de publicación: 2019

Este venres, na noite máis folclórica das Festas de San Roque de Vigo, a iso das 21:15 horas, concerto de O Fiadeiro. No campo da festa de San Roque faremos un repaso ao noso repertorio de música e baile máis recente.
Logo a noite continuará ca Banda de Música Cultural de Arcade, ás 23:00 horas e a actuación do grupo folk Algarabía a medianoite.

Prezo socios:

Prezo non socios:

A.C.F. O Fiadeiro en Festival de Ortigueira 2019

Data de publicación: 2019

Entre grupos de coñecido renome como Gwendal, Shooglenifty ou Leilía, este ano, no Festival de Ortigueira, estaremos os músicos e bailaríns da A.C.F. O Fiadeiro co noso espectáculo. Así, esperámosvos no Parque do Malecón este domingo 14 de xullo, ás 22:00 para abrir a última das xornadas do festival.

Prezo socios:

Prezo non socios:

Festival Folclórico O Fiadeiro

Data de publicación: 2019

Este sábado reservade o serán para o noso Festival Folclórico O Fiadeiro. As oito da tarde no Centro Cultural de Cabeiro actuarán Perendengue de Asturias, o Viveiro de Peis d´hos de Cangas e os nosos Carrapucheiros de O Fiadeiro! Non o perdades!!!

Prezo socios:

Prezo non socios:

Serán’02 Actuación Orquestra O Fiadeiro

Data de publicación: 2019

🎶 A #OrquestraOFiadeiro estará esta fin de semana no #Serán02 II Encontro galego de cultura popular: Bandas de Música.

Vémonos no #BailedasIrmandadesdaFala, preparade as vosas mellores galas para danzar na praza central do Gaiás.

🎵Participarán ademáis as bandas de Lalín, Valladares, Santa Cruz de Rivadulla e a Lira de Ribadavia, e as Charangas de A. C. XacarandainaCantigas e Agarimos

🏆 Ao longo da noite repartirase premio a parella mellor vestida de época e a parella que amose maior destreza e
habilidade 🏆

🎵Estades preparados para vivir unha fin de semana chea de música e baile? Vémonos na Cidade da Cultura de Galicia !

🎟Entrada de balde
📆Sábado 29 de xuño | 21 horas

 

🌏 Evento: https://www.facebook.com/events/274164763476771/

 

🌏 Máis info: https://www.cidadedacultura.gal/

 

 

Prezo socios:

Prezo non socios:

A Viaxe de José do Campo

Data de publicación: 2019

Temos o pracer de anunciarvos a emocionante estrea de «A VIAXE DE JOSÉ DO CAMPO«, unha historia musical dende O Courel ata Nova Orleáns

Esta viaxe é o resultado do traballo do curso de 3º de Interpretación Xestual da ESAD de Vigo xunto ca A.C.F. O Fiadeiro, un traballo de meses que mestura interpretación e músicas e bailes tradicionais.

Este esforzo creativo, que está baseado no libro-disco homónimo editado por Ton e Son Editorial co Fiadeiro e creado por Xavier Balsas e Rafa Crespo no ano 2015, por fin dará os seus froitos o vindeiro venres 24 de maio, ás 21:00 horas, no Auditorio Municipal do Concello de Vigo, na praza do Rei.

As entradas son a 4 euros e poderán ser mercadas en venta anticipada no local de O Fiadeiro (R/ Xesús Fernández Nº3 Baixo, Vigo) ou na propia taquilla do Auditorio o mesmo día. ENTRADAS ESGOTADAS!!!!

Agardamos por vos. Vai ser unha estrea emocionante, vai ser unha viaxe incrible…

Prezo socios:

Prezo non socios:

Festa Fin de Curso e Serán de O Fiadeiro 2019

Data de publicación: 2019

O Fiadeiro despide o curso cunha tarde de espectáculos e noite de festa tradicional

O sábado 15 de Xuño os alumnos e alumnas da Escola da A.C.F. O Fiadeiro darán mostra de todo o aprendido durante o curso. Será ás 18:30 horas no salón de actos da A.V. Santa Mariña de Cabral (avda. Sta. Mariña nº 95)no acto actuarán os diferentes grupos da escola: baile moderno, baile tradicional, canto e pandeireta, gaita e percusión entre outros.

Unha vez rematadas as actuacións, a partir das 21:30 horas, comezará a festa serán con música e baile tradicional durante toda a noite, que contará coa participación de agrupacións musicais da comarca convidadas ao evento e doutras moitas que se achegarán para participar de xeito espontáneo tal e como rexe na celebración dos seráns.

A A.C.F. O Fiadeiro convida a toda a cidadanía a achegarse na tarde noite do 15 de Xuño á asociación veciñal de Cabral e vibrar coas actuacións dos alumnos da escola e divertirse ao xeito tradicional da festa serán. A entrada é gratuíta e haberá bebida e comida a prezos populares. Chegada a certa hora da noite tamén haberá chocolate para todos os asistentes.

Para máis información estamos nos teléfonos 986 253 585 / 629 585 355 ou ben por correo electrónico ofiadeiro@ofiadeiro.com.

Prezo socios:

Prezo non socios:

Audición dos alumnos de piano e acordeón na EOI de Vigo

Data de publicación: 2019

Este venres, das mans do mestre Martín González e da mestra Sira Pereira, a partires das 18 horas da tarde, os alumnos de acordeón e piano farán unha audión onde mostrarán o aprendido neste curso 2018-19.

Prezo socios:

Prezo non socios:

O Fiadeiro en Tomiño

Data de publicación: 2019

Este sábado 23 de febreiro, O Fiadeiro ten o pracer de poder mostrar o seu repertorio de bailes e músicas tradicionais galegas así como o noso particular aporte á recuperación das antigas orquestras, no Auditorio de Goian, en Tomiño, por un respectable e simbólico prezo de 3 euros (billetes á venda unha hora antes na taquilla). A actuación será ás 22 horas. Non se esquezan… haberá sorpresas e música e baile para todos os públicos!

Prezo socios:

Prezo non socios:

Serán O Fiadeiro 2019

Data de publicación: 2019

A A.C.F O Fiadeiro convida a todos os seus amigos e seguidores, outro ano máis, ó noso serán.

Celebrarase no salón de actos da AA.VV. Santa Mariña de Cabral o sábado 26 de xaneiro a partir das 22:30 horas. A entrada é gratuíta e haberá bebida e comida a prezos populares. E xa ben entrada a noite, ofreceremos chocolate ben quente para todos os asistentes.

Abrirán o serán os grupos da asociación e a continuación agardamos por todos aquelas agrupacións ou músicos que veñan dispostos a continuar a festa.

Ademais a ambientación estará baseada nos seráns dos anos 50, polo que todo aquel que guste poderá acudir vestido ó xeito daqueles tempos.

Agardamos por todos vos este sábado. Nos xa contamos as horas.

Se queredes máis información podedes contactar nos teléfonos 986 253 585/629 585 355 ou ben por correo electrónico ofiadeiro@ofiadeiro.com.