A Asociación Cultural Folclórica O Fiadeiro nace no ano 1996 co propósito de compilar, conservar e transmitir o legado cultural da tradición galega que permaneceu durante moito tempo, e aínda permanece, gardado na memoria dos nosos devanceiros co risco de ser esquecido.

O obxectivo principal da asociación é compilar esta información directamente das fontes, estudiala e arquivala para logo poñela en valor así como transmitila ás novas xeracións.

O labor dentro da asociación está organizado en grupos de traballo que xestionan áreas concretas:

• Área artística: Composto polo grupo de baile, grupo de música, grupo de pandereteiras e grupo de pandereteiros.
• Área de recuperación: Formada por dous grupos de traballo, o de recollidas e traballo de campo e o de arquivo e análise.
• Área de vestiario e material.
• Área web.
• Área de escola.

Ademáis das actuacións, clases e espectáculos O Fiadeiro organiza de xeito recurrente unha serie de actividades para difundir a cultura tradicional galega:

• Gala espectáculo didáctico con música e bailes tradicionais"Esta noite hai unha fía".
• Xornadas anuais de difusión das actividades que desenvolve a asociación ou xornadas de portas abertas.
• Serán tradicional e festa fin de curso.